ଜଣେ କରୋନାରେ ଆକ୍ରାନ୍ତ ନାଁ ନାହିଁ ? ଏ କଥା ଏବେ ମାତ୍ର ୫ ମିନିଟରେ ଜାଣିହେବ | ପରୀକ୍ଷା ପାଇଁ ଏଭଳି ଯନ୍ତ୍ର ପ୍ରସ୍ତୁତ କରିଛି ଆମେରିକାର ଆବୋଟ୍ ଲାବୋରଟରିଜ୍ । ଏହାର ଓଜନ ହାରାହରି ୩ କେଜି ରହିଛି | ଏହା ଦେଖିବାକୁ ଏକ ଛୋଟ ବାକ୍ସ ଭଳି । ଫଳରେ ଏହା ଯେ କୌଣସି ଡାକ୍ତରଖାନାରେ ରଖି ବ୍ୟବହାର କରିହେବ । ଏପ୍ରିଲ ୧ ତାରିଖରୁ ୫୦୦୦୦ ଯନ୍ତ୍ର ଯୋଗାଣ ଆରମ୍ଭ କରିବାକୁ ଯୋଜନା କରୁଛି କମ୍ପାନି | ଯଦି ଜଣଙ୍କୁ ଉତ୍କଟ ସଂକ୍ରମଣ ହୋଇଥିବ ତେବେ, ଏହା ମାତ୍ର ୫ ମିନିଟରେ ଜଣାଇଦେବ| ତେବେ କିନ୍ତୁ ସାଧାରଣ ରୋଗୀ ହୋଇଥିଲେ ସଙ୍କ୍ରମଣ କଥା ନିଶ୍ଚିତ କରିବାକୁ ପ୍ରାୟ ୧୩ ମିନିଟ ସମୟ ଲାଗିବ । ଏହାଦ୍ବାରା ରୋଗୀଙ୍କୁ ଶୀଘ୍ର ଚିହ୍ନଟ କରାଯାଇପାରିବ |
